Кошаркарскиот клуб Академија ФМП со нов тренер ќе ја започне наредната кошаркарска сезона 2020/21. Новиот тренер Александар Петровиќ, доаѓа од екипата на Куманово каде што ги помина последните 3 сезони.
Очекувањата на новиот тренер за претстојната сезона се:
„Костурот на екипата ќе биде составен од перспективни млади играчи подржани од квалитетни странски засилувања. Ќе се трудиме со тие млади играчи да постигнеме резултат и пред сѐ да се игра модерна кошарка и да бидеме конкурентна екипа.“ – изјави Петровиќ
Во досегашната тренерска кариера, Петровиќ бил на клупата на МЗТ Скопје, Карпош Соколи, Пелистер, Куманово и бил селектор на јуниорската репрезентација.
Со ангажманот на Петровиќ, клубот сака да прерасне во еден стабилен прволигаш, да биде достоен противник на сите екипи и да го задржи костурот на домашни и странски играчи од минатата сезона.
Претходната сезона клубот го водеа Гацов и Мирковски, на кои им се заблагодаруваме за постигнатите резултати во клубот и им посакуваме успешна кариера.
