После победата против екипата на ТФТ, нашиот тим на домашен терен го пречекува тимот на КК Пелистер од Битола во заостанатиот натпревар од 5-тото коло кој ќе биде одигран на 23.12.2020 среда, со почеток од 19:00 часот во салата Независна Македонија во Кисела Вода.
Со максимална мотивација и исполнување на тактичките замисли, за продолжување на серијата на победи на домашен терен против непоразената екипа на Пелистер, се размислувањата на нашиот тренер Александар Петровиќ и играчот Дејан Србиновски.
„Играме против екипата на Пелистер која е сериозен конкурент за висок пласман во овој шампионат, воедно е и фаворит на утрешниот натпревар. Двете екипи имаат серија на добри резултати, но како и на секој натпревар нема да се предадеме предвреме и очекувам мојот тим да го даде својот максимум. Имаме свои тактички замисли, ги знаеме нивните јаки и слаби страни и се надевам дека ако го исполниме зацртаното може да стигнеме до позитивен резултат.“ - изјави тренерот Петровиќ.
„Со оглед на тоа што двете екипи сме во победничка серија со сигурност не очекува возбудлив натпревар. Ова е најголемиот тест за нас оваа сезона, екипата на Пелистер која е една од екипите која атакува на висок пласман, но ние како тим во секој натпревар влегуваме максимално подготвени и мотивирани за да ја продолжиме серијата на победи.“ - изјави Србиновски.