Натпреварот против директниот конкурент за третата позицијата на табелата, екипа на Гостивар ќе се одигра во недела со почеток од 18:00 часот во салата Независна Македонија, Кисела Вода. Натпревар на кој ќе се води голема битка за подобар пласман и повеќе бодови во Суперлигата, на кои двете екипи ќе го дадат својот максимум и ќе пробаат да стигнат до посакуваната победа на натпреварот.
„Гостивар е одличен тим, со високи амбиции и тим кој игра модерна кошарка. Очекувам неизвесен натпревар кој е воедно и борба за подобра позиција на табелата за останатиот дел од натпреварувањето. Очекувам од моите играчи да го дадат својот максимум за да дојдеме до посакувниот резултат.“ - изјави Божиноски.
„Домашниот терен е наша мала предност, но сепак во вакви натпревари не значи ништо. До победата на натпреварот можеме да стигнеме со агресивност во одбраната и паметна игра во нападот и под кошевите. За нас секој бод значи многу за продолжението на сезоната.“ - изјави капитенот Стојановски
Влезот на натпреварот е слободен со покажување сертификат за вакцинација со најмалку две дози или за прележаност на Ковид-19 во последните шест месеци.
Натпреварот ќе биде пренесуван на ТВ каналот МРТ3 и на YouTube каналот на МакБаскет ТВ
