Кошаркарскиот клуб Академија ФМП го назначи Игор Гацов за прв тренер на сениорската екипа, која ќе се натпреварува во втората македонска лига во наредната 2018/2019 сезона. Игор Гацов досега има соработувано со неколку прволигашки екипи меѓу кои, КК МЗТ Скопје, КК Работнички Скопје и КК Амак СП Охрид. Тренерот кој прв им даде шанса, на тогаш младите и не искусни македонски репрезентативци, Војдан и Дамјан Стојановски во првата македонска лига, на позицијата прв човек на клупата на КК Академија ФМП доаѓа по долгогодишна работа како скаут во неколку европски екипи.
Игор Гацов - биографија
Роден: 27.01.1977 во Скопје, Република Македонија
Во 2009 година дипломира на Факултетот за Физичка Култура на универзитетот св. „Кирил и Методиј“.
Играчка кариера
10 години е професионален играч се до сезоната 2002/2003. Како професионален играч има настапувано во Македонската, Шпанската, Шведската и Норвешката лига. Говори три странски јазици: англиски, шпански и српско-хрватски јазик.
Тренерска и скаутинг кариера
- 2004 – 2005 Главен тренер на М18 КК Бисери – освоено второ место во Македонија
- 2005 – 2006 Главен тренер во втора дивизија на Talent school AND1 – освоено прво место
- 2006 – 2007 Главен тренер во втора дивизија на КК Амак СП Охрид – освоено прво место и соборен македонскиот рекорд со 15 победи по ред
- 2007 – 2008 Главен тренер во прва дивизија на КК Амак СП Охрид – освоено трето место со најмладиот тим во лигата со просечна возраст од 21.5 години
- 2009 – 2010 Главен тренер во прва дивизија на КК Работнички – освоено прво место во македонското првенство и шесто место во балканската лига BIBL
- 2010 – 2011 Главен тренер во прва дивизија на КК МЗТ Скопје - освоено второ место во регуларниот дел од сезоната
- 2012 – 2017 Скаутинг за екипи од Европа
Достигнувања
- 2006 – Шампион во втора македонска лига со КК Амак СП Охрид
- 2008 – Награда за најдобар играч во првата македонска лига за Војдан Стојановски под водство на тренерот Игор Гацов
- 2008 – Трето место во прва македонска лига со КК Амак СП Охрид
- 2008/2009 – учество во FIBA EUROPE challenge league со КК Амак СП Охрид
- 2010 – Шампион во прва македонска лига со КК Работнички Скопје
- 2011 – Второ место во прва македонска лига со КК МЗТ Скопје